1st January se TAHREEK FAROGH E ISLAM Ki Member Saazi Muhim Ka Aagaz

1st January se TAHREEK FAROGH E ISLAM Ki Member Saazi Muhim Ka Aagaz

Bharat ke sanvindhan ko bachane ke liye mulk bhr me TAHREEK FAROGH E ISLAM ke 5 lakh member banane ka hadaf : QAMAR USMANI

New Delhi – Mulk Bharat me RSS nawaz Bhartiya Janta Party iqtedaar me Bane rehne ke liye kisi bhi hadd tak girne ko taiyar hai, abhi tak mob lynching wa ialqai dangon jaisi hadsaat ka khel chhip chhip kar khela ja raha tha lekin aab khule aam musalmano ke qatl e aam ki dhamkiyan di ja rahi hain aur mulk ke gair muslim tabqo ko is kaam ke liye uksane ka kaam kiya ja raha h, jis ke asraat teezi se murattab hona shuru bhi ho chuke hain
Lihaza ab musalmano ko mil kar khade hona hoga.
Ye batein aaj jari ek bayan me TAHREEK FAROGH E ISLAM ke Baani wa Qoumi Sadar wa Dargah Bandagi Miyan, Amethi Shareef ke Nayab Sajjadda Nasheen HAZRAT PIR QAMAR GHANI USMANI QADRI CHISTI sahab ne kahin, unhone kaha ki musalmano ke liye Jahan bahut se masail Hain wahin sab se badaa masla ALLAH ﷻ wa RASOOL ﷺ ki shaan me khule taur par ki jane wali gustakhiyan hain jinhein musalman kisi bhi haal mein bardasht nahin kar sakta is liye TAHREEK FAROGH E ISLAM ne un musalmano ko jama karne ka kaam pichle chand saalo se shuru kiya tha jo ilaqai tassub , biradari ki ladai aur silsilo ke jhagdom se upar uth kar TAHAFFUZ E NAMOOS E RISALAT ﷺ ke liye apni kurbaniyan pesh kar e ka jazba rakhte hain, ab tak alhamdulillah hazaron log is mission se Jud chuke hain magar mulk ki moujooda Surat e hal ne humein is bat par majboor kar diya hai ki hum bharat ke aayin ko bachane ke liye kaam me tezi layein, is liye humne faisa kiya hai ki 1 JANUARY 2022 se mulkgeer satah par MEMBER SAAZI MUHIM ka aagaz kareinge aur 31 DECEMBER 2022 Tak kam AZ kam 5 lakh member banayenge jo mil kar Bharat k aayin ki hifazat hi nahin karenge balki unhi huqooq ka istemal karte hue TAHAFFUZ E NAMOOS E RISALAT ﷺ , TAHAFFUZ E ISLAM wa SHE’AAR E ISLAM, TAHAFFUZ E HUQOOQ E MUSLIMEEN karenge aur deegar mazloom tabqon ki hifazat aur madad bhi karenge taki Mulk Bharat me aman wa amaan barkarar rahe.
USMANI sahab me ayimma e masajid se appeal ki hai ki wo TAHREEK FAROGH E ISLAM ki MEMBAR SAAZI MUHIM ka hissa banenin taaki tahreek apna HADAF jald az jald pura kar sake

• AGAR AAP IS MUHIM SE JUDNA CHAHTE HAIN AUR TAHREEK FAROGH E ISLAM KA HISSA BANNA CHAHTE H TO NICHE DI GYI LINK PE TAP KREIN ⬇️
https://soo.gd/Join_TFI

Sho’ba e Nashr o Ishaat
TAHREEK FAROGH E ISLAM , ALHIND

Share on facebook
Share on twitter
Share on whatsapp
Share on telegram
Share on print
Click on below TAG for more Related post

Leave a Reply

Your email address will not be published.